Byrjið á að búa til deigið. Blandið saman sykri og eggjarauðum þar til blandan verður létt og bætið síðan við smá vatni.

Blandið saman hveiti og smjöri sem búið er að skera niður í litla bita þar til blandan verður sandkennd.

Blandið síðan eggjablöndunni saman við hveitið og hnoðið í deig.

Því næst er deigið flatt út með kökukefli og sett í form. Skerið af endanum á deiginu þegar það er komið í formið svo það passi í formið og stingið svo göt á botninn með gaffli.
Setjið bökunarpappír ofan á deigið í botninum og setjið svo t.d. baunir eða hrísgrjón ofan á bökunarpappírinn og bakið í 20–25 mínútur við 180 gráður.

Búið næst til karamelluna en þá byrjið þið á að brúna sykur í potti. Leyfið honum að bráðna alveg en passið að hann fari ekki að brenna. 

Bætið rjómanum saman við í mjórri bunu og passið að hræra vel á meðan. Þegar karamellan hefur þykknað er smjörinu, saltinu og súkkulaðinu bætt saman við og brætt þar til allt er komið vel saman. 

Þeytið þar næst rjómann. Byrjið á að þeyta saman mascarpone, flórsykur og vanillu. Þeytið þar til blandan er orðin létt í sér og búin að slétta úr sér.

Bætið rjómanum saman við í mjórri bunu og þeytið þar til þið eruð komin með léttþeyttan rjóma sem heldur sér vel. Varist að ofþeyta því þá gæti rjóminn farið að skilja sig.

Setjið karamelluna í botninn á tartarskelinni og bananasneiðar ofan á karamelluna. Setjið rjóma yfir bananann og annaðhvort saxað súkkulaði eða Freyju súkkulaðispæni🍫