Hindberja- og lakkrísdöðlugott✨🖤🩷

Setjið bökunarpappír í kökuform sem er um 20 x 30 cm að stærð.

Bræðið smjörið í stórum potti við meðalháan hita.

Þegar það er bráðið má bæta döðlum og púðursykri saman við og leyfa að malla við meðalhita þar til döðlurnar hafa bráðnað og blandan minnir á karamellu.

Bætið Rice Krispies og svo kurlinu í pottinn og blandið vel saman.

Dreifið frosnum hindberjum í botninn á forminu og setjið svo döðlublönduna í formið og þjappið og jafnið vel. Geymið í frysti á meðan þið bræðið súkkulaðið.

Bræðið lakkrís og hindberjasúkkulaði, suðusúkkulaði og rjóma saman við vægan hita. Hellið næst súkkulaðinu jafnt yfir döðlublönduna og setjið í frysti aftur í um 20 mínútur.

Takið síðan út, lyftið blöndunni upp úr forminu á bökunarpappírnum og skerið niður í munnstóra bita.

Geymið í kæli eða frysti þar til þið ætlið að njóta bitanna.